ಶಿವಮೊಗ್ಗ, 08 ಸೆಪ್ಟೆಂಬರ್: ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ವತಿಯಿಂದ ಮಹಾನ್ ಭಾರತ ರತ್ನ ಡಾ. ಸರ್ ಎಂ. ವಿಶ್ವೇಶ್ವರಯ್ಯನವರ ಜನ್ಮದಿನಾಚರಣೆ ಹಾಗೂ ಎಂಜಿನಿಯರ್ಸ್ ಡೇ ಪ್ರಯುಕ್ತ ಬರುವ ಸೆಪ್ಟೆಂಬರ್ 12ರಂದು ಮಧ್ಯಾಹ್ನ 12:00 ಗಂಟೆಗೆ ಸಂಘದ ಸಭಾಂಗಣದಲ್ಲಿ ಪದವಿಪೂರ್ವ (PUC) ಕಾಲೇಜು ವಿದ್ಯಾರ್ಥಿಗಳಿಗಾಗಿ ವಿಶೇ‍ಷ ಭಾಷಣ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ.
“ನಾಡಿನ ಅಭಿವೃದ್ಧಿಯ ಹರಿಕಾರ ಡಾ. ಸರ್ ಎಂ. ವಿಶ್ವೇಶ್ವರಯ್ಯ” ಎಂಬ ವಿಷಯದ ಕುರಿತು ಈ ಭಾಷಣ ಸ್ಪರ್ಧೆ ನಡೆಯಲಿದ್ದು, ನಗರದ ಪಿಯು ಕಾಲೇಜುಗಳ ವಿದ್ಯಾರ್ಥಿಗಳು ಭಾಗವಹಿಸಬಹುದಾಗಿದೆ. ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನವಾಗಿ 3,000 ರೂ., ದ್ವಿತೀಯ ಬಹುಮಾನವಾಗಿ 2,000 ರೂ. ಹಾಗೂ ತೃತೀಯ ಬಹುಮಾನವಾಗಿ 1,000 ರೂ. ನಗದು ಬಹುಮಾನದೊಂದಿಗೆ ಆಕರ್ಷಕ ಪಾರಿತೋಷಕಗಳನ್ನು ವಿಜೇತರಿಗೆ ನೀಡಲಾಗುವುದು.
ಸ್ಪರ್ಧೆಯ ನಿಯಮಗಳು ಮತ್ತು ಅರ್ಹತೆ:
- ಸ್ಪರ್ಧೆಯಲ್ಲಿ ಭಾಗವಹಿಸಲು ಬಯಸುವ ಆಸಕ್ತ ವಿದ್ಯಾರ್ಥಿಗಳು ತಮ್ಮ ವಿದ್ಯಾಸಂಸ್ಥೆಯ ದೃಢೀಕರಣ ಪತ್ರದೊಂದಿಗೆ (School/College Bonafide /Permission Letter) ಆಗಮಿಸುವುದು ಕಡ್ಡಾಯ.
- ಪ್ರತಿ ಕಾಲೇಜಿನಿಂದ ಗರಿಷ್ಠ ಇಬ್ಬರು ವಿದ್ಯಾರ್ಥಿಗಳಿಗೆ ಮಾತ್ರ ಭಾಗವಹಿಸಲು ಅವಕಾಶ ನೀಡಲಾಗಿದೆ.
- ಸ್ಪರ್ಧಿಗಳು ಭಾಷಣವನ್ನು ಕನ್ನಡ ಅಥವಾ ಇಂಗ್ಲಿಷ್ ಭಾಷೆಯಲ್ಲಿ ಪ್ರಸ್ತುತಪಡಿಸಬಹುದಾಗಿದೆ.
ಹೆಚ್ಚಿನ ವಿವರ ಹಾಗೂ ಮಾಹಿತಿಗಾಗಿ ಆಸಕ್ತರು ದೂರವಾಣಿ ಸಂಖ್ಯೆ 7019663300, 9632351163 ಹಾಗೂ 9353966546 ಅನ್ನು ಸಂಪರ್ಕಿಸಬಹುದಾಗಿದೆ ಎಂದು ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಅಧ್ಯಕ್ಷ ಬಿ. ಗೋಪಿನಾಥ್ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
The Shivamogga District Chamber of Commerce and Industry is organizing a speech competition for pre-university (PUC) students on September 12 at 12:00 PM to mark Sir M. Visvesvaraya’s Jayanti and Engineers’ Day. The competition topic is “Architect of Nation’s Progress: Dr. Sir M. Visvesvaraya.” Winners will be awarded cash prizes of up to Rs 3,000 along with trophies.
More Stories
ಶಿವಮೊಗ್ಗ ಪೊಲೀಸ್ ಇಲಾಖೆಯಲ್ಲಿ ಪ್ರಮುಖ ವರ್ಗಾವಣೆ: ತುಂಗನಗರಕ್ಕೆ ಮಂಜುನಾಥ್, ಲೋಕಾಯುಕ್ತಕ್ಕೆ ಗುರುರಾಜ್!
ಶಿವಮೊಗ್ಗ: ಓಲಾ ಎಲೆಕ್ಟ್ರಿಕ್ ವಾಹನಗಳ ಸರ್ವಿಸ್‌ಗೆ ಪರದಾಟ; “ಇಂದು ಬನ್ನಿ, ನಾಳೆ ಬನ್ನಿ” ಎಂದು ಅಲೆದಾಡಿಸುತ್ತಿರುವ ಶೋರೂಮ್‌ ಸಿಬ್ಬಂದಿ!
ವಿದ್ಯಾರ್ಥಿ ಹೋರಾಟದ ಕಣದಿಂದ ‘ಸ್ಬೂಡಾ’ ಅಧ್ಯಕ್ಷ ಸ್ಥಾನದವರೆಗೆ: ಸಿ.ಜಿ. ಮಧುಸೂದನ್ ರಾಜಕೀಯ ಪಯಣದ ಸಂಪೂರ್ಣ ನೋಟ