ಶಿವಮೊಗ್ಗದಲ್ಲಿ ಬ್ರಾಹ್ಮಿನ್ ಆರ್ಗನೈಸೇಷನ್ ಆಫ್ ಇಂಡಿಯಾ ಯುವ ಘಟಕ ಚಾಲನೆ ಕಾಂತೇಶ್ ನೆರವೇರಿಸಿದರು.

ಶಿವಮೊಗ್ಗ, Ai-ವಾರ್ತ, ಸೆಪ್ಟೆಂಬರ್ 20: ಬ್ರಾಹ್ಮಿನ್ ಆರ್ಗನೈಸೇಷನ್ ಆಫ್ ಇಂಡಿಯಾ (BOI) ಶಿವಮೊಗ್ಗ ಜಿಲ್ಲಾ ಸಮಿತಿಯ ವತಿಯಿಂದ ನಗರದ ಪ್ರಸಿದ್ಧ ಕೋಟೆ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆವರಣದಲ್ಲಿ ಬಿಒಐ ಯುವ ಘಟಕದ ಚಾಲನಾ ಸಮಾರಂಭವು ಅತ್ಯಂತ ಯಶಸ್ವಿಯಾಗಿ ನೆರವೇರಿತು.

ಯುವ ನಾಯಕರು ಹಾಗೂ ಗೋವರ್ಧನ ಟ್ರಸ್ಟ್‌ನ ಅಧ್ಯಕ್ಷರಾದ ಶ್ರೀಯುತ ಕಾಂತೇಶ್ ಕೆ. ಇ. ಅವರು ಯುವ ಘಟಕದ ಚಾಲನೆಯನ್ನು ನೆರವೇರಿಸಿದರು. ವೇದ ಬ್ರಹ್ಮಶ್ರೀ ಶಂಕರಾನಂದ ಜೋಯಿಸ್ ಅವರ ದಿವ್ಯ ಆಶೀರ್ವಾದದೊಂದಿಗೆ ನೆರವೇರಿದ ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಿಒಐ ಜಿಲ್ಲಾಧ್ಯಕ್ಷರಾದ ಶ್ರೀ ವೆಂಕಟೇಶ ರಾವ್ ಕೆ. ಅವರು ವಹಿಸಿದ್ದರು. ಇದೇ ಸಂದರ್ಭದಲ್ಲಿ ಯುವ ಘಟಕದ ನೂತನ ಅಧ್ಯಕ್ಷರಾಗಿ ಶ್ರೀ ವಿಜಯ್ ಕಾರಂತ್ ಅವರು ಅಧಿಕೃತವಾಗಿ ನಿಯೋಜನೆಗೊಂಡರು.

ಸಮಾರಂಭದಲ್ಲಿ ಪ್ರಮುಖ ಗಣ್ಯರ ಉಪಸ್ಥಿತಿ ಸಭೆಯಲ್ಲಿ ಮುಖ್ಯ ಅತಿಥಿಗಳಾಗಿ (AKBMS) ಜಿಲ್ಲಾ ಪ್ರತಿನಿಧಿ ಶ್ರೀಯುತ ರಘುರಾಮ್, ತಾಲೂಕು ಸಂಘದ ಅಧ್ಯಕ್ಷರಾದ ಶ್ರೀಯುತ ಸುರೇಶ ರಾವ್ ನಾಡಿಗ್, ವಿಪ್ರ ಯುವ ಪರಿಷತ್ತಿನ ಅಧ್ಯಕ್ಷರಾದ ಶ್ರೀಯುತ ರಾಘವೇಂದ್ರ ಉಡುಪ ಹಾಗೂ ಬಿಒಐ ರಾಜ್ಯ ಘಟಕದ ನಿರ್ದೇಶಕರಾದ ಶ್ರೀಯುತ ಛಾಯಾಪತಿ ಅವರು ಭಾಗವಹಿಸಿದ್ದರು.

ಇದರೊಂದಿಗೆ ಬಿಒಐ ಪ್ರಧಾನ ಕಾರ್ಯದರ್ಶಿ ಶ್ರೀಯುತ ಸಂತೋಷ್ ಕುಮಾರ್, ಮಹಿಳಾ ಘಟಕದ ಅಧ್ಯಕ್ಷರಾದ ಶ್ರೀಮತಿ ವನಜ ರವಿಕುಮಾರ್, ಸಂಘದ ಎಲ್ಲಾ ನಿರ್ದೇಶಕರು, ಯುವ ಘಟಕದ ನೂತನ ನಿರ್ದೇಶಕರು ಹಾಗೂ ವಿಪ್ರ ಸಮಾಜದ ಮುಖಂಡರುಗಳು ಹೆಚ್ಚಿನ ಸಂಖ್ಯೆಯಲ್ಲಿ ಹಾಜರಿದ್ದು ಕಾರ್ಯಕ್ರಮಕ್ಕೆ ಮೆರಗು ನೀಡಿದರು.