ಯೂತ್ ಹಾಸ್ಟೆಲ್ಸ್ ಅಸೋಸಿಯೇಷನ್‌ನಿಂದ ‘ಬ್ಲ್ಯಾಕ್‌ಬಕ್’ ರಾಜ್ಯ ಮಟ್ಟದ ಚಾರಣ ಶಿಬಿರ: ನೋಂದಣಿಗೆ ಸೆ.12 ಕೊನೆಯ ದಿನ!

ರಾಣೆಬೆನ್ನೂರು (ಹಾವೇರಿ), 08 ಸೆಪ್ಟೆಂಬರ್: ಯೂತ್ ಹಾಸ್ಟೆಲ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (YHAI) ಸಂಸ್ಥೆಯ ರಾಣೆಬೆನ್ನೂರಿನ ‘ಕೃಷ್ಣಮೃಗ ಘಟಕ’ದ ವತಿಯಿಂದ ಸಾಹಸ ಹಾಗೂ ಪರಿಸರ ಪ್ರಿಯರಿಗಾಗಿ ‘ಬ್ಲ್ಯಾಕ್‌ಬಕ್’
(Blackbuck – The Gateway to North Karnataka) ಹೆಸರಿನ 4 ದಿನಗಳ ರಾಜ್ಯ ಮಟ್ಟದ ಶೈಕ್ಷಣಿಕ ತರಬೇತಿ ಹಾಗೂ ಚಾರಣ ಶಿಬಿರವನ್ನು ಆಯೋಜಿಸಲಾಗಿದೆ.

ಈ ವಿಶೇಷ ಶಿಬಿರವು 2026 ರ ಸೆಪ್ಟೆಂಬರ್ 25 ರಿಂದ ಸೆಪ್ಟೆಂಬರ್ 28 ರವರೆಗೆ (4 ದಿನಗಳು ಮತ್ತು 3 ರಾತ್ರಿಗಳು) ರಾಣೆಬೆನ್ನೂರು ಹಾಗೂ ಸುತ್ತಮುತ್ತಲಿನ ಪರಿಸರದಲ್ಲಿ ನಡೆಯಲಿದೆ. ಆಸಕ್ತ ಪರಿಸರ ಮತ್ತು ಚಾರಣ ಪ್ರಿಯರು ತಮ್ಮ ಹೆಸರುಗಳನ್ನು ನೋಂದಾಯಿಸಿಕೊಳ್ಳಲು ಸೆಪ್ಟೆಂಬರ್ 12 ಕೊನೆಯ ದಿನವಾಗಿದೆ. ಶಿಬಿರದ ಶುಲ್ಕ ಪ್ರತಿ ವ್ಯಕ್ತಿಗೆ ರೂ. 6,500/- ನಿಗದಿಯಾಗಿದ್ದು, ಇದರಲ್ಲಿ ವಾಸ್ತವ್ಯ, ಪೌಷ್ಟಿಕ ಸಸ್ಯಾಹಾರಿ ಊಟ, ಅರಣ್ಯ ಪ್ರವೇಶ, ಟ್ರೆಕ್ಕಿಂಗ್ ಶುಲ್ಕ, ಸ್ಥಳೀಯ ಸಾರಿಗೆ ಹಾಗೂ ಮಾರ್ಗದರ್ಶಕರ ವೆಚ್ಚ ಸೇರಿದೆ.

4 ದಿನಗಳ ಚಾರಣದ ವೇಳಾಪಟ್ಟಿ:

• ದಿನ 1 (ಸೆ.25): ಸಂಜೆ 4:00 ರಿಂದ 6:00 ಗಂಟೆಯೊಳಗೆ ರಾಣೆಬೆನ್ನೂರಿನ ಅಶೋಕ್ ನಗರದ ಮೇಡ್ಲೇರಿ ರಸ್ತೆಯಲ್ಲಿರುವ ‘ಓಂ ಆಸ್ಪತ್ರೆ’ ಬಳಿ ವರದಿ ಮಾಡಿಕೊಳ್ಳಬೇಕು. ನಂತರ ವಾಹನದ ಮೂಲಕ ಬೇಸ್‌ಕ್ಯಾಂಪ್‌ಗೆ ಕರೆದೊಯ್ಯಲಾಗುತ್ತದೆ.
• ದಿನ 2 (ಸೆ.26): ಮಲ್ಲಯ್ಯನ ಬೆಟ್ಟಕ್ಕೆ 12 ಕಿ.ಮೀ. ಚಾರಣ, ಇರಾಣಿ ದೇವಸ್ಥಾನ ಹಾಗೂ ಕದರಮಂಡಲಗಿಗೆ ಭೇಟಿ.
• ದಿನ 3 (ಸೆ.27): ಕೃಷ್ಣಮೃಗ ಅಭಯಾರಣ್ಯ, ಚೌಡಯ್ಯದಾನಪುರ ದೇವಸ್ಥಾನಕ್ಕೆ ಭೇಟಿ ಹಾಗೂ ದೇವರಗುಡ್ಡಕ್ಕೆ 18 ಕಿ.ಮೀ. ಮೂನ್‌ಲೈಟ್ (ಬೆಳದಿಂಗಳ) ಚಾರಣ.
• ದಿನ 4 (ಸೆ.28): ವಿಶೇಷ ಕಾರ್ಯಕ್ರಮ ಹಾಗೂ ಸಮಾರೋಪ ಸಮಾರಂಭದ ನಂತರ ಮಧ್ಯಾಹ್ನ ಬೀಳ್ಕೊಡುಗೆ.

ಆಸಕ್ತರು ತಕ್ಷಣವೇ ತಮ್ಮ ಹೆಸರುಗಳನ್ನು ನೋಂದಾಯಿಸಿಕೊಳ್ಳಲು ಕೋರಲಾಗಿದೆ. ಹೆಚ್ಚಿನ ಮಾಹಿತಿ ಹಾಗೂ ನೋಂದಣಿಗಾಗಿ ಸಂಯೋಜಕರಾದ ಸುಧೀರ್ ಕುರುವತ್ತಿ (94481 18237), ರೋಹಿತ್ ಅಗರ್ವಾಲ್ (94498 56960), ಶಿಲ್ಪಾ ಎಂ. ಸಾವ್ಕಾರ್ (98458 02364) ಅವರನ್ನು ಅಥವಾ yhai22k.rnr@gmail.com ಇಮೇಲ್ ಮುಖಾಂತರ ಸಂಪರ್ಕಿಸಬಹುದು ಎಂದು ಕಾರ್ಯಾಧ್ಯಕ್ಷರಾದ ಡಾ. ಮನೋಜ್ ಸಾವುಕಾರ್ ತಿಳಿಸಿದ್ದಾರೆ.
Youth Hostels Association of India (YHAI) Ranebennur Krishnamruga Unit is organizing a 4-day state-level educational training and trekking camp named “Blackbuck” from September 25 to 28, 2026. The camp includes treks to Mallayyana Betta, Blackbuck Sanctuary, and Devaragudda moonlight trekking. The last date for registration is September 12, 2026.