ರಾಯಚೂರಿನಲ್ಲಿ ನಡೆದ ಸಿಬಿಸಿಎಸ್ಇ ರಾಜ್ಯಮಟ್ಟದ ಕ್ಲಸ್ಟರ್ ಅಥ್ಲೆಟಿಕ್ಸ್ ಕ್ರೀಡಾಕೂಟದ ಡಿಸ್ಕಸ್ ಥ್ರೋ ಸ್ಪರ್ಧೆಯಲ್ಲಿ ಕಂಚಿನ ಪದಕ ಗೆದ್ದ ಶಿವಮೊಗ್ಗ ಸಮೀಪದ ಕೊಮ್ಮನಾಳು ಜ್ಞಾನ ಸಾಗರ ಶಾಲೆಯ 7ನೇ ತರಗತಿ ವಿದ್ಯಾರ್ಥಿನಿ ಮೋನಿಕಾ ರಾಷ್ಟ್ರಮಟ್ಟಕ್ಕೆ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ.
ಶಿವಮೊಗ್ಗ: ಶಿವಮೊಗ್ಗ ಸಮೀಪದ ಕೊಮ್ಮನಾಳು ಗ್ರಾಮದಲ್ಲಿರುವ ಜ್ಞಾನ ಸಾಗರ ಶಾಲೆಯ 7ನೇ ತರಗತಿಯ ವಿದ್ಯಾರ್ಥಿನಿ ಕುಮಾರಿ ಮೋನಿಕಾ, ಸಿಬಿಸಿಎಸ್ಇ (CBSE) ರಾಷ್ಟ್ರೀಯ ಮಟ್ಟದ ಅಥ್ಲೆಟಿಕ್ಸ್ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.
ಇತ್ತೀಚೆಗೆ ರಾಯಚೂರಿನಲ್ಲಿ ಆಯೋಜಿಸಲಾಗಿದ್ದ ರಾಜ್ಯಮಟ್ಟದ ಸಿಬಿಸಿಎಸ್ಇ ಕ್ಲಸ್ಟರ್ ಅಥ್ಲೆಟಿಕ್ಸ್ ಕ್ರೀಡಾಕೂಟದಲ್ಲಿ ಜ್ಞಾನ ಸಾಗರ ಶಾಲೆಯನ್ನು ಪ್ರತಿನಿಧಿಸಿದ್ದ ಮೋನಿಕಾ, ಡಿಸ್ಕಸ್ ಥ್ರೋ ವಿಭಾಗದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಕಂಚಿನ ಪದಕವನ್ನು ತಮ್ಮದಾಗಿಸಿಕೊಂಡಿದ್ದರು. ಈ ಮೂಲಕ ಅವರು ರಾಷ್ಟ್ರಮಟ್ಟದ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆದಿದ್ದಾರೆ ಎಂದು ಅವರ ಪೋಷಕರು ಮಾಹಿತಿ ನೀಡಿದ್ದಾರೆ.
ಪೋಷಕರ ಹರ್ಷ ಹಾಗೂ ಪ್ರೋತ್ಸಾಹ:
ರಾಷ್ಟ್ರಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿರುವ ಮೋನಿಕಾ, ಶಿವಮೊಗ್ಗ ತಾಲೂಕಿನ ಬೂದಿಗೆರೆ ಗ್ರಾಮದ ಬಸವರಾಜ ಬೂದಿಗೆರೆ ಅವರ ಪುತ್ರಿಯಾಗಿದ್ದಾರೆ. ಮಗಳ ಈ ಕ್ರೀಡಾ ಸಾಧನೆಗೆ ತಂದೆ ಬಸವರಾಜ ಬೂದಿಗೆರೆ ಹಾಗೂ ಕುಟುಂಬಸ್ಥರು ತೀವ್ರ ಸಂತಸ ವ್ಯಕ್ತಪಡಿಸಿದ್ದಾರೆ. “ಮಗಳ ಈ ಸಾಧನೆ ನಮಗೆ ನಿಜಕ್ಕೂ ಖುಷಿ ತಂದಿದೆ. ಕ್ರೀಡೆಯಲ್ಲಿ ಆಕೆಗೆ ಹೆಚ್ಚಿನ ಆಸಕ್ತಿಯಿದ್ದು, ಕ್ರೀಡಾ ಕ್ಷೇತ್ರದಲ್ಲಿಯೇ ಇನ್ನಷ್ಟು ಸಾಧನೆ ಮಾಡಲು ಆಕೆಗೆ ಪೂರ್ಣ ಪ್ರೋತ್ಸಾಹ ನೀಡಲಾಗುವುದು” ಎಂದು ತಂದೆ ಬಸವರಾಜ ಬೂದಿಗೆರೆ ತಿಳಿಸಿದ್ದಾರೆ.
ಮೋನಿಕಾ ಅವರ ಈ ಗಮನಾರ್ಹ ಸಾಧನೆಯನ್ನು ಜ್ಞಾನ ಸಾಗರ ಶಾಲೆಯ ಆಡಳಿತ ಮಂಡಳಿ, ಶಿಕ್ಷಕ ವೃಂದ ಹಾಗೂ ಶಾಲೆಯ ಸಹಪಾಠಿಗಳು ಮುಕ್ತಕಂಠದಿಂದ ಶ್ಲಾಘಿಸಿದ್ದು, ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲೂ ಪದಕ ಗೆದ್ದು ಬರಲಿ ಎಂದು ಶುಭ ಹಾರೈಸಿದ್ದಾರೆ.
Monika, a 7th-grade student from Jnana Sagara Central School near Kommanalu in Shivamogga, has been selected for the CBSE National Athletics Meet. She earned her spot after winning a bronze medal in the discus throw event at the recently held CBSE Cluster State-Level Athletics Championship in Raichur
More Stories
ಶಿವಮೊಗ್ಗದ ಸಾಗರ ರಸ್ತೆಯಲ್ಲಿರುವ ‘ಹರ್ಷ ಆರ್ಕೇಡ್’ ಕಟ್ಟಡದ ಮೊದಲನೇ ಮಹಡಿಯಲ್ಲಿ 2,150 ಚದರ ಅಡಿಯ ಬೃಹತ್ ಹಾಲ್ ಬಾಡಿಗೆಗೆ ಲಭ್ಯವಿದೆ.
ಶಿವಮೊಗ್ಗದ ವಾಸವಿ ಶಾಲೆಯಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ ಹಾಗೂ ಶಿಕ್ಷಕರ ದಿನಾಚರಣೆ: ಕೆ.ಎಸ್. ಈಶ್ವರಪ್ಪ ಚಾಲನೆ
ಇಂಟರಾಕ್ಟ್ ಕ್ಲಬ್ಗಳು ಮುಂದಿನ ಪೀಳಿಗೆಯ ರೋಟೇರಿಯನ್ನರನ್ನು ರೂಪಿಸುತ್ತವೆ: ವರ್ಷಿಣಿ