ಶಿವಮೊಗ್ಗದಲ್ಲಿ ‘ಶ್ರೀಮದ್ಭಾಗವತ’ ದಶಮ ಸ್ಕಂಧ ಪ್ರವಚನ ಕಾರ್ಯಕ್ರಮ

ಶಿವಮೊಗ್ಗ: ಬಿ.ಬಿ. ರಸ್ತೆ ಕೂಡ್ಲಿಮಠದಲ್ಲಿ ಸೆಪ್ಟೆಂಬರ್ 3 ರಿಂದ ಶ್ರೀಮದ್ಭಾಗವತ ದಶಮ ಸ್ಕಂಧ ಪ್ರವಚನ ಕಾರ್ಯಕ್ರಮ

ಶಿವಮೊಗ್ಗ, ಸೆಪ್ಟೆಂಬರ್ 02: ಶಿವಮೊಗ್ಗ ನಗರದ ಬಿ.ಬಿ. ರಸ್ತೆಯಲ್ಲಿರುವ ಶ್ರೀ ಕೂಡಲಿ ಆರ್ಯ ಅಕ್ಷೋಭ್ಯ ತೀರ್ಥ ಮಠದಲ್ಲಿ ಸೆಪ್ಟೆಂಬರ್ 3 ರಿಂದ ಸೆಪ್ಟೆಂಬರ್ 6 ರವರೆಗೆ ‘ಶ್ರೀಮದ್ಭಾಗವತದ’ ದಶಮ ಸ್ಕಂಧದ ವಿಶೇಷ ಪ್ರವಚನ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಶ್ರೀ ಸತ್ಯಾಭಿಜ್ಞೋತ್ಸವದ ಅಂಗವಾಗಿ ನಡೆಯುತ್ತಿರುವ ಜ್ಞಾನಸತ್ರದ 34ನೇ ಮಾಲಿಕೆಯಲ್ಲಿ ಈ ಧಾರ್ಮಿಕ ಪ್ರವಚನ ಕಾರ್ಯಕ್ರಮ ಏರ್ಪಾಡಾಗಿದೆ. ಶ್ರೀ ವಸಂತ ರಾಮ ಸೇವಾ ಸಂಘ ಹಾಗೂ ಶ್ರೀ ಅಕ್ಷೋಭ್ಯ ವಸಂತರಾಮ ಸೇವಾ ಟ್ರಸ್ಟ್ (ರಿ), ಬಿ.ಬಿ. ರಸ್ತೆ ಕೂಡ್ಲಿಮಠ ಇವುಗಳ ಸಂಯುಕ್ತ ಆಶ್ರಯದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ ಎಂದು ಸಂಘಟಕರು ತಿಳಿಸಿದ್ದಾರೆ.

ಬೆಂಗಳೂರಿನ ಪಂಡಿತರಿಂದ ಪ್ರವಚನ

ದಿನಾಂಕ 03.09.2026 ರಿಂದ 06.09.2026 ರವರೆಗೆ ಪ್ರತಿದಿನ ಸಂಜೆ 7:00 ರಿಂದ 8:00 ಗಂಟೆಯವರೆಗೆ ಪ್ರವಚನ ನಡೆಯಲಿದೆ. ಬೆಂಗಳೂರಿನ ಪ್ರಸಿದ್ಧ ವಿದ್ವಾಂಸರಾದ ಪಂಡಿತ್ ಪವಮಾನಾಚಾರ್ಯ ಕಲ್ಲಾಪುರ ಅವರು ಶ್ರೀಮದ್ಭಾಗವತದ ದಶಮ ಸ್ಕಂಧದ ಕುರಿತು ಪ್ರವಚನ ನಡೆಸಿಕೊಡಲಿದ್ದಾರೆ.

ಈ ಜ್ಞಾನಸತ್ರ ಹಾಗೂ ಧಾರ್ಮಿಕ ಪ್ರವಚನ ಕಾರ್ಯಕ್ರಮದಲ್ಲಿ ನಗರದ ಸದ್ಭಕ್ತರು ಹಾಗೂ ಭಗವದ್ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ಸಮಿತಿಯ ಪರವಾಗಿ ಬಿಂದುಮಾಧವ್ ಅವರು ಕೋರಿದ್ದಾರೆ.

ಶ್ರೀ ವಸಂತ ರಾಮ ಸೇವಾ ಸಂಘ ಹಾಗೂ ಶ್ರೀ ಅಕ್ಷೋಭ್ಯ ವಸಂತರಾಮ ಸೇವಾ ಟ್ರಸ್ಟ್ ಆಶ್ರಯದಲ್ಲಿ ಜ್ಞಾನಸತ್ರದ 34ನೇ ಮಾಲಿಕೆ; ಪಂಡಿತ್ ಪವಮಾನಾಚಾರ್ಯ ಕಲ್ಲಾಪುರ ಅವರಿಂದ ಪ್ರವಚನ.

A 4-day religious discourse on ‘Shrimad Bhagavata Dashama Skandha’ will be held at Sri Koodali Arya Akshobhya Tirtha Matha on B.B. Road in Shivamogga from September 3 to September 6, 2026. Organised as part of Sri Satyabhignotsava by Sri Vasanta Rama Seva Sangha and Sri Akshobhya Vasantarama Seva Trust, Pandit Pavamanacharya Kallapur from Bengaluru will deliver the discourses every evening from 7:00 PM to 8:00 PM.